I sentrum av fjellbygda Vågåmo finn du innbydande kafear og isbar, gode restaurantar og kjøttforretning, nisjebutikkar, elektro- og daglegvarebutikkar,  kunstgalleri, handverkssenter, bowling og turistinformasjon kring ei triveleg sommargågate.

​

Rett ved Bokhandel'n Mathus ligg praktfulle Vågå stavkyrkje, der dei eldste elementa er frå 1100-talet. Ein stutt rusletur frå sentrum ligg vakre Vågåvatnet, med utleige av robåtar og jetboard, og flytande badstue for leige.

 

Eit besøk til Ullinsvin historiske prestegard med velrennomerte Galleri Ullinsvin, salsutstillingar, museum, kafé og unik urtehage er og eit godt tips. I sentrum finn du Smedsmo badedam, Villa sykkelpark, fine leikaplassar og parkområde.

 

Fisket i Vågåvatnet og utoset er viden kjend, i alle dalsider venter rå stisykling, og både i bygd og fjellheim er vinteren eventyrleg, med alpint, langrenn, skøyter og vårskiturar til langt ut i mai. 

​

Vakre, viltre og nasjonalromantiske Vågå er eit eventyr året rundt!